అంశం: నీవు లేని చోట
తేది: 07-08-2020
శీర్షిక: సర్వంతర్యామి....!
సంఖ్య: 483
అనాదిగా నీ నామ స్మరణే
అమ్మ నోట మొదలాయె
రామా లాలి... నీలి మేఘా
శ్యామా లాలి.... అంతా రామమయం !
ఇంటింటా గుమ్మం నీవే
శ్రీరామ రక్ష సర్వ జగద్రక్ష
చెడు జరిగితే... అయ్యోరామా!
వినకూడనిదైతే... రామ రామ!
తండ్రి మాట శిరోధార్యం
తనయులకుదాహరణం
భరించలేని కష్టమొచ్చినా
భవ్య రామ నామ జపమే!
అన్నదమ్ముల అనుబంధాలకు
అజరామరామె రామలక్ష్మణులు...
మంచి బాలలను మెచ్చిన
జనమిచ్చే నీరాజనం .....నీ నామమే!
సహస్ర నామ సమయం లేకుంటే
శ్రీరామ రామ రామేతి రమే రామే
మనోరమే సహస్రనామ తత్తుల్యం...
జగమంతా .... రామమయం !
నీవులేని గడప గలదే
నిక్కముగా హైందవాన నీరజాక్షా !
నగునూరి రాజన్న
కరినగరము.
No comments:
Post a Comment