సినారె కు అక్షర నీరాజనం....
తేది:29-07-2020
శీర్షిక: ఘనసినారె కు నా నీరాజనం...
సంఖ్య: 476
ప్రజోత్పత్తిలోన ఫరిఢవించిన
పలు భాషల కోవిదుడు....
ఉర్దూ విద్యలో ఉరుకు లంఘించినా
తెలుగు డాక్టరేట్లతో తెర తీసి
వెలుగులు విరజిమ్మిన వినయశీలి .....
మాతృ భూమిపై మమకారాన్ని
మమతల జల్లుల్లో తడిసి
ముద్దయి తనివి తీర్చుకొని
తరించి మురిసిన తండ్రి అతడు....
నవ్వని పువ్వుతో సవ్వడి చేసి
సాహిత్య సేద్యంలో పద్య గద్య
గేయ వచన గజళ్ళ పంటలు
పండించిన కావ్య రైతు బిడ్డ .....
ఏ ఇజమ్ చట్రం మధ్య
కట్టుబడక మానవత్వ
నైజాన్ని మాత్రమే నెత్తికెత్తుకున్న
నవయుగ మహనీయుడు ......
గుబాళించె చిత్రసీమన సైతం
గులేబాకావలి కథా గీతాలతో మొదలై
త్రిసహస్రాలకు పైగా గీతాలు
వెలిగించిన వెండితెర దండిదొర....
లెక్కలేనన్ని సత్కార పురస్కారాలు
లెక్కకు మించిన డాక్టరేట్లతో .....
నంది పురస్కారంతో నగారా మోగించి
జ్ఞానపీఠమెక్కిన పద్మభూషణ విశ్వంభరుడు ....
నేటి కవితా సమూహాన ఘనసినారెకు
నే తెలుపుకుంటున్న నా కవితా నీరాజనం...
నగునూరి రాజన్న
కరినగరము.
No comments:
Post a Comment