శ్రీరామ చంద్రుడు
తేది: 07-08-2020
ప్రత్యేక కవిత
దశరథతనయా దయచూపుమయా
సీతా రామా... కరుణించుమయా
జయజయ రామా జానకీ రామా.....
పావనరామా పట్టాభి రామా .....!
సరయునైనా చేరపోతిని
నీ చరణ స్పర్శకు నోచుకొనగా
పూవునైనా కాకపోతిని
నీ పాదపూజకు చేరు కొనగా....
ఇటుకనైనా బాగుండును
దివ్య ధామం చేరుకొందును
దివ్వెనైనా కాకపోతిని
నీ సన్నిధిన ప్రకాశించగా .....
ఉలిగా నైనా మారపోతిని
నీ శిల్పం చెక్కే పనిముట్టుగా ...
సేవకుడనైనా బాగుండు కదా
చెంత సపర్యలు నీకు చేయ.....
సుందరమగు నా జన్మ
సంకీర్తనం నేను వ్రాస్తే
సన్నిధిలో స్తుతింతురు కదా!..
హారతినై శోభించనా
నీ పూజలో తరించెద
అయోధ్యలో ధూళినైతే
ఆజన్మం పరవశించెదా ....
నగునూరి రాజన్న
కరినగరము.
No comments:
Post a Comment