ఆనంద వర్ణాలు
తేది: 20-08-2020
శీర్షిక: ఆరోగ్యమే మహాభాగ్యం....
సంఖ్య : 494
కొండ కోనల నిండు లోయలు
తేట నీటిల సెలయేటి తీరాలు
దుమ్ము ధూళీలకు దూరంగా
పచ్చ తివాచీల పరవశించే నివాసం ....
పరిమళ భరితమైన
కుసుమ శోభితవర్ణం
ఘ్రాణించే నాసికానికి
స్పందించే నిండు ఆనందం...
రాగం తాళం పల్లవి
రంగరించిన గానం
రంజిల్లి శోభించు రసరమ్యo
కర్ణో పేయమైన కమనీయం.....
పంచ భక్ష్య పరమాన్నాల
షడ్రుచుల మృష్ణాన్న భోజనం
అహింసాయుత శాఖాహారం
ఆనంద తాండవమే జిహ్వకు ....
పుట్టుకే పుట్లమీదయినా
పునీతమవునా ...?
మెట్టుగ సరైన ఆరోగ్యం
నిష్టగా కలిగితినే కదా....
జీవితాన నిండు ఆనందవర్ణం.
నగునూరి రాజన్న
కరినగరము.
No comments:
Post a Comment