అంగడి
తేది: 16-07-2020
శీర్షిక: పల్లె సంతల వింతలు...
సంఖ్య: 466
సప్త వర్ణాల డేరాల సందళ్ళు
అక్షరాస్యత నేర్వని నోటి గణకులు
నిత్యవసరాల సరుకుల తల్లి
అందరి అవసరాలు తీర్చే కల్పవల్లీ...
అమ్మకాల జోరుపెంచుకునే విక్రేతలు
అరుపు గొంతుల ఆర్ద్రతలు... అయినా
అమాయకతలునిండిన ధరణి పుత్రులు
ఆప్యాయతలు ఇమిడిన పలకరింపులు
మనిషి మనిషికో అవసరం
పల్లె పల్లెకో అవసరం.....
అన్నీ తీర్చే అక్షయ పాత్ర
ముడిసరుకుల రవాణాలు
పొడి సరుకుల దివాణాలు
కపట మాయలు కానరావు
కమీషన్ల కక్కుర్తిల గొడవ ఉండవు....
వాడిపోయిన సరుకులు కావు
వల్లి పోయిన జాడలుండవు ....
ఒకటికి ఇంకోటి ఉచితాలుండవు
ఓటి కుండలు అమ్మబోరు
వంకర టింకరలకు వత్తాసు పలకరు
వాణిజ్య నీతికి కట్టుబడేటోళ్లు....
కనీసమద్దతు ధరలు విధించుకోలేని
కబోదులు....ఇదే అదనుగా
విరుచుకుపడే కపట దళారుల కబ్జాలు
సందట్లో సర్దుకునే సడేమియాలు...
నగనూరి రాజన్న
కరినగరము.
No comments:
Post a Comment