పావడ
తేది:23-07-2020
శీర్షిక: పదహారణాల తెలుగుదనం...
సంఖ్య: 472
అచ్చమైన పదహారణాల
అందమైన తెలుగుతనం
నిక్కచ్చిగా వస్త్ర ధారణలోనె
నిబిడీకృతమన్నది నిజం !
నండూరి వారి ఎంకి నగిషీలు
బాపు బొమ్మల బహు చిత్రాలు
వడ్డాది పాపల వయ్యారాలు
కలబోతల చిత్రమేకదా మన తెలుగు బాల!
పట్టు పావడాల పరికిణీలలో
ఉట్టిపడే చిట్టితల్లుల ఆనందోత్సాహం
పల్లె పడుచుల కూనిరాగం
సంధ్యవేళ సాగె గోధూళి మేఘం ....
పచ్చపచ్చని పంట పొలాలు
పక్షుల కిల కిలా రావాలు
పాడి కలిగిన పశుసంపదలు
పండ్లతోటల పల్లెసీమల ఆనందాలు....
బతుకు దెరువుల బాటలలో
హైటెక్ యుగాలలో అడుగిడుచున్న మనకు
పాశ్చాత్య సంస్కృతులతో పబ్బుల కల్చర్లతో
కనుమరుగౌచుండె కళ్ళముందే మెల్లమెల్లగా....
మసకబారుతున్న కట్టు బొట్టును
మరుగున పడుతున్న కట్టుబాట్లను
మన తెలుగు సంస్కృతి సంప్రదాయాలను
మలివిడతన మనమంతా నిలబెడదాం .....
నగునూరి రాజన్న
కరినగరము.
No comments:
Post a Comment