అంశం: దిశా నిర్దేశం
తేది: 18-08-2020
శీర్షిక: అంతర్ముఖం.... జ్ఞానమార్గం
సంఖ్య : 492
పడావు నేలన గడ్డీగాదం
చెడ్డగ పెరిగే ప్రకృతి తత్వంలా ....
దిశా నిర్దేశం చేయని మనసున
దండిగ చీడలు చేరి మెండుగ
నాశము కోరు .....
మొక్కై వంగని మానై వంగునా...
ఆమ్మో..అయ్యో..గురువో.. ప్రభువో..
మంచి చెడులెఱిఁగి మనసున బీజమేస్తేనే
మార్గం సుగమమౌను సుమా !
భౌతికం అమ్మా నాన్నల వరం
అంతర్ముఖం గురువు ప్రసాదం
రెండు కలిస్తేనే మనిషి రూపం
అపుడే అవుతుంది కదా సంపూర్ణం !
శ్రీరామ వశిష్ఠులు
అర్జున ద్రోణులు
శ్రీకృష్ణ సాందీపనులు
చంద్రగుప్త చాణిక్యులు
శివాజీ రామదాసులు
వివేకానంద రామకృష్ణులు
అందున కొందరు ఉదాహరింప....
విద్యలెన్నో విజ్ఞానమంత
విశ్వ గురువులెందరైనా
విరివిగ గురి కుదురును
విశిష్ట విద్యకు వీలుగ ....
నగునూరి రాజన్న
కరినగరము
No comments:
Post a Comment