అంశం: స్వప్న వీధిలో
తేది: 06-08-2020
శీర్షిక: గురువులవుతాయి
సంఖ్య:
హడావుడి హైరానాలతో
బేజారైన రోజును పక్కకు జరిపి
జోగిన మేనుకు జతచేరిన
నిదురమ్మతో.... కనురెప్పల
కవాటాలు మూసుకోగానే
మనసు కొలనులో ఆశల
కలువలు రెక్కలు విచ్చుకుని
అనంతాకాశానా విహంగాలై
అలా... అలా.... పరుగులు
తీస్తాయి....
అహోరాత్రులు తలచినవో
దివారాత్రాలు పలవరించినవో
గత్యంతరం లేని గజిబిజిలో
ప్రత్యామ్నాయ సలహాలో
పరుగు పరుగున మనోఫలకంపై
పరితపిస్తూ వాలిపోయి
రూపం దాల్చి దారి చూపుతాయి...
రెక్కల గుర్రాలలా వివశులైనా
చక్కని దారి చూపే మినుగురులై
కొన్నిసార్లు కథలను సుఖాంతం చేసె
గురువులవుతాయి......!
నగునూరి రాజన్న
కరినగరము.
No comments:
Post a Comment