అంశం : ఆరాట పోరాటాలు
తేదీ : 11-08-2020
శీర్షిక : స్వకార్యం... స్వామి కార్యం....
సంఖ్య: 486
మాతృత్వపు ఆరాటం
కానుపుతో మరోజన్మ
అయినా వెరవదు అమ్మ
ప్రతి కానుపులో విజయ
సాధనకై అవిరళ పోరాటం .....
సంతాన సమున్నతికై
సదా ఆరాటం .....
ప్రతిక్షణం పరిశ్రమించే
నాన్న జీవిత పోరాటం....
మాయా మోహిత ముసుగు
కప్పుకున్న మానవ జన్మకు
ఆరాటాల ఆశల కుంపట్లే
బతుకు గమ్యపు గమనాలు ...
మస్తిష్కపు తెరలలో
మేధో మధనపు ఛాయలే
దివిటీలై మార్గం చూపి
బతుకు పోరాట పథంలో
విజయానికి వేసే బంగారు బాటలు....
హద్దులు దాటని సుద్దులతో
అలవర్చుకునే ఆశలకు
ధర్మం, న్యాయం జోడిస్తే
స్వకార్యం ... స్వామి కార్యం....
నగునూరి రాజన్న
కరినగరము
No comments:
Post a Comment