అంశం : విరి బాణుడి కేళీ
తేది : 12-08-2020
శీర్షిక : అనుంగుని లీలలు...
సంఖ్య : 487
కుసుమ పరిమళాలు
నాసికమాశ్రయించువేళ ...
విరుల శర సంధానముతో
ప్రియుల గుండెన గాయములే .....
చూపులు కలిసిన శుభవేళ
కలుసుకున్న ప్రతీసారీ...
ఊహలు ఆకాశంలో ఎగురుతూ
మనసంతా ఉద్విగ్న భరితములే ....
ఎదురుచూసిన ప్రతీక్షణం
హృదయం బరువెక్కి
అన్నపానీయముల స్వస్తితో
ఆలోచనలన్నీ ఉక్కిరిబిక్కరే ...
ఒక్కసారి కందర్పుని క్రీగంటి
చూపు సోకినా.... కదలలేని
మెదలలేని అసహాయతలే
ఆసరాలై మందగమనపు
గమనాలే మనకు దిక్కై నిలుచు .....
వసంతుని విరిబాణాలు
మేను సృషించిన వేళా ...
అనుంగుని విరి చూపుల
సంద్రంలో ఎదపొంగులు
చల్లార్చుకోని జంటలు కలవా ఇల !
నగునూరి రాజన్న
కరినగరము.
No comments:
Post a Comment