ఈ రోజుల్లో రాఖీ పండగ Tel. Rach. Sangham

 అంశం: ఈ రోజుల్లో రాఖీ పండగ    Telangana Rachayithala Sangham 

తేది: 04-08-2020

శీర్షిక : తూ తూ మంత్రపు...తంతు 

అనురాగాల పూదోటలు  

హైందవాన తోబుట్టువులు 

ఆత్మీయతల అమ్ములపొది  

యుగమేదైనా జగాన ప్రసిద్ధి .... 

అక్క అంటే తమ్మునికి అమ్మతనం

అన్నంటే చెల్లెమ్మకు నాన్న సమం

అనుబంధాల గంధపు తోరం 

ఆత్మలు నిండిన పసుపు దారం .....

దిద్దును నుదుట తిలకం

తలచును తోబుట్టువుల క్షేమం

సాదా సీదా పసుపు దారం 

మనసా వాచా కోరు పదికాలాల క్షేమం .....

కాని.....

పచ్చని పంట చేలైనా 

కంటిచూపుల పాలైతే చాలు 

కలుషితాలు కట్టగట్టి 

విషపు ఛాయలు వీచినట్టు ....... 

దూరిన వ్యాపార మెరుపులతో 

తూ తూ మంత్రపు...తంతాయె...

ఆప్యాయతలు అనురాగాలు 

తెల్లబోయే కార్పొరేట్ల కనుసన్నల్లో ..... 

నగునూరి రాజన్న