చూడామణి సూర్య గ్రహణరోజు ప్రత్యేకతలు -21-06-2020

 21-06-2020 ప్రత్యేకాలు 

పగలు పెద్దదేకాదు పలు విశేషాలు 

పల్లవించు వేళ ఇరువదొక్క జూను 

అంతర్జాతీయ యోగ దినమై అలరారె
యోగ్యమైన జీవితమిచ్చే యోగారోజుగా.... 

 
అమ్మ అనంతమైన ఆత్మీయతైతే 

కనపడని వినపడని విద్వత్తే

కమ్మని జీవితానికి చుక్కాని నాన్నను

నాణ్యమైన స్థితిలో నిలిపిన నాన్నల రోజు... 

సంప్రదాయాలకు సంధి కొట్టిన 
శేకు హ్యాండుల శని గ్రహపురోజు 
కరోనా పుణ్యమాని తెరమీదికొచ్చిన 
కొండంత సంస్కారపు రెండు చేతులా 

నమస్కారం .... 

పంచభూతముల లోన పవిత్రమై
పంచప్రాణాలు నిలుప ప్రశస్తమై 
పావనమై నిలిచిన పరమ గంగ 
పానీయపు ప్రత్యేక రోజు కూడా .... 

కూని రాగాల కుశలములు

శాస్త్ర సంగీతాల సరిగమలు

రాగ తాళ యుక్త బాణీలకు

రంజిల్లే ఆనందాలకు అడ్రసులాగ 

ఇంగితమైన సంగీతానికి కూడా జోడైన రోజు... 

ఇంకను కూడా ఇనగ్రహణం

శాస్త్రవేత్తలకు అభిలషణీయులకు

అందమైన సుదీర్ఘ సుందర

వింతైన చూడామణి గ్రహణం..... 

నగునూరి రాజన్న

కరినగరము.