బాసటగా నిలుద్దాం
తేది : 03-08-2020
శీర్షిక:
సంఖ్య: 506
మాట వరసకు చెప్పేది కాదు
మనుసుపెట్టి చేసేది మిత్రమా !
కూడు గుడ్డల తిప్పలొక్కటే కాదు
చదువు సంధ్యలు.. పనీ పాటా...
కాదేది అనర్హం కదిలే గుండెకు....
అన్నపూర్ణలై ఆకలి తీర్చినా
మానవత్వపు గోడలై గుడ్డలిచ్చినా
సమతలతో చదువులు చెప్పినా
మమతలతో ప్రేమలు పంచినా ....
స్పందించే మంచి మనసుండాలి
సాటి మనిషన్న గౌరవముండాలి
సంఘములో మనమన్న ఇంగితముండాలి
అచ్చంగా మొదట మనం మనిషై ఉండాలి
వ్యక్తిగా సమిష్టిగా స్వచ్చంద సంస్థగా
అందిద్దాం చేయూతను ఆసరగా....
కొదువలేదు ప్రపంచానా ఆర్తులకు
అన్నార్తులకు... శరణార్థులకు ....
అంధులకు.... అంగవైకల్యులకు ....
మాటల కోటలు కాదు మిత్రమా
ఆపన్నుల పాలిట ఆశల ఊసులై
బతుకు బాటలు చూపే భరోసా చేతలు ...
కావాలి..... బడా దిల్ వాలా కావాలి ....
నగునూరి రాజన్న
No comments:
Post a Comment