మువ్వన్నెల మన జండా
ఆగష్టు పదిహేనయితే
ఆనందాల స్వాతంత్ర్యోత్సవం
జనవరి ఇరువదారయితే
సర్వ సత్తాక గణతంత్రోత్సవం ...
ఆమనిలా వచ్చే చూడు
అజేయమైన మన జండా
సద్భావనల సందడితో
సమున్నతమాయె నిండుగ ....
త్రి వర్ణ శోభితాలతో
తిప్పలను బాపింది
పిల్లలకు పెద్దలకు
సంబరాలు తెచ్చింది
పింగళి వెంకన్న మంత్రం
ఫిరంగిలా నిలిచిన యంత్రం
మువ్వన్నెల మన జండా
మురిపించును ఎదనిండా ....
కాషాయం పౌరుషమై
కలబడు మన సైనికుడు
పాలతెలుపు శాంతికి
ప్రపంచ కపోత చిహ్నమై
ఆకుపచ్చ అన్నపూర్ణగ
హాలికునికి ఆయుధమై ....
అశోకుని ధర్మ చక్రం
ఆక్రమించె మధ్యన
సంఘం శరణమంటూ
సమ సమాజ సూత్రంగా .....
సరిహద్దున జవానుకు
పురివేయును ప్రాణవాయువై
పొరుగు ధూర్తుల శిక్షించి
మనహద్దులు పరి రక్షించ....
వందే మాతరమంటూ
వరస కలుపు గొంతులు
జన గణ మని పాడెనే
కోట్ల జన గొంతుకలొకటిగా ....
నరనరాన దేశభక్తి
నగారా మోగించినది
ప్రతి వారి గుండెనిండ
పండగై నిలిచింది.....
No comments:
Post a Comment