బాసటగా నిలుద్దాం
తేది : 03-08-2020
శీర్షిక: బతుకు భరోసా చేతలు...
సంఖ్య: 506
భౌతిక స్వాతంత్య్రం వచ్చినా
బాంచెన్ కాల్మొక్త పోలేదు
ఆర్ధిక సామాజిక అంతరం
అందనంత పెరిగె చూడు .....
అధిక వెలుగు సంపదల
అధిపతులు ఆ సూర్యచంద్రులోలె
ఎక్కువ సంపదంతా
తక్కువ కుటుంబాలలో .....
అల్ప వెలుగులీనే
అనంత నక్షత్ర మండలమోలె
తక్కువ సంపదల భారం
ఎక్కువ కుటుంబాలలో .....
అయినా ప్రకృతి పాటించే
పవిత్ర సమత మమత పట్టనట్టు...
సమన్యాయం అందని ద్రాక్షలే
సమతూకం ఎండ మావులే
సమ సమాజం నీటిపైన రాతలే ....
పేర్లు మార్చుకుంటూ పోతూ
పెంచుకుంటున్నరు సంపదలు
పక్కోడిని గట్టిగ తొక్కయినా
పాలకులు పెట్టుబడిదారులు ...
ఓట్లకు నోట్లు పంచుతూ
తూట్లు పొడుస్తున్నరు మానవత్వానికి
మాటల కోటలు కాదు మిత్రమా
బతుకు బాటలు చూపే భరోసా చేతలు ...
కావాలి..... బడా దిల్ వాలా కావాలి ....
కరినగరము.
No comments:
Post a Comment