ఆరాధనామృతం
తేది: 27-08-2020
శీర్షిక: రామనామం!
సంఖ్య: 500
అమ్మా నాన్నల అనుక్రమణమో
సనాతన సంప్రదాయమో
అపనమ్మకాలు ఆవరించిన వేళ
ఆశాదీపమైన అనిర్వచనమా !
రవంత కష్టమొచ్చినా
రవళించే మనోధైర్యమా !
నిశి వేదన వనాలలో
ఓదార్పుల మననమా !
ఆపద సమయాలలో అదరువై
నిలిచే అవ్యాజ కరుణామూర్తి !
బాధల కడలి తీరములో
భారం దించే మంత్రమా !
తలపులతోనే తనువు తరించి
పులకించే పుణ్య నామం !
స్మృతి పథాన సుందరమై
గతి మార్చక నిలిచే పరంధామం !
అణువణువున నిండిన అనంత
అద్వితీయ హనుమ తారక మంత్రం!
యుగం మారినా జగాన నిలిచిన
అనన్యమైన శ్రీరామ నామమా !
నగునూరి రాజన్న
కరినగరము.
No comments:
Post a Comment