యువ స్వరాలు
తేది: 26-08-2020
శీర్షిక: దేశ భవిత రక్షణ
సంఖ్య: 499
యువతే మన దేశ భవిత
నిలుపును విశ్వ విజేతగ
స్వార్థాలను చంకనెత్తుకుని
కపటత్వాలను కళ్ల నింపుకుని
ప్రలోభాల పాప చింతనల
విషబీజాలను మనసున నాటుకున్న
ఇంటివాడి నుండైనా......
పచ్చగా ఉంటే ఓర్వలేని
ప్రశాంతంగా చూస్తే తట్టుకోలేని
అభివృద్ధి చెందితే జీర్ణించుకోలేని
పొరుగువాడి నుండైనా.......
శత్రు దేశాల విషవలయాల
మత్తుమందుల చిత్తులనుండైనా....
ప్రత్యక్ష యుద్దాల నుండే కాదు
ప్రలోభాల పాలు కాకుండా....
విష జాతుల గతులైన
పరోక్ష వైరస్ ల పాలబడకుండా
పరాకులు వీడి పాలకులు
ప్రతిక్షణం పదిలపరుచుకుంటేనే
ఫరిఢవిల్లు దేశ భవిత ....
సాంకేతికత సౌరభాల ముసుగులో
సైతం యువత నిర్వీర్యం కాకుండా
దేశ భవితను రక్షించాలి....
నగునూరి రాజన్న
No comments:
Post a Comment