ఆనందాల వేడుక 505

 ఆనందాల వేడుక

తేది: 02- 09-2020

శీర్షిక: అన్నీ ఆనందాలే... 

సంఖ్య : 505 

వసంతాన కోకిలమ్మ కలకూజితమైనా

తొలకరితో ప్రతి మేను పులకరించినా 

శరత్చంద్రుని చంద్రికలే మనసుతాకినా 

సంతసాలు దండిగ నింపిన చందం...

ప్రకృతిలో పల్లవించే ప్రతి మార్పు పట్టి

పరవశించి పరిమళించే పద ఘట్టాలే.... 

పరికించి సృశిస్తే ఫరిడవిల్లు ఆనందాలు ....

అమ్మ లాలి పాటలే ఆనందాల మూటలు 

నాన్న తోటి ఆటలే నవ్వుల నజరానాలు... 

అనుబంధాల ముచ్చటలే అజరామరమై

మైమరిపించి కురిపించు మంచి ముత్యాల 

సంతసం.... 

మననం మానవ జీవితాన ప్రతి నిత్యం....... 

చీకటి వెలుగులోలె చిందులేయు 

మనిషి మనుగడలోన  పెనవేయు 

అడుగడుగున ఆనంద విషాదాలు 

ఎత్తు పల్లములు ఎగుడు దిగుడులై నిలువ ... 

ఆనందాల పారమార్థాలెనిమిదైనా 

నానార్థాలు పర్యాయపదాలెన్నున్నా

పంచభూతముల ప్రతిబింబమై 

కడలిలోని కెరటంలా నగముపైన 

మేఘంలా ఆనందాలకు పొంగక 

విషాదాలకు కుంగక కదలాలి 

గీత బోధలా ...... 

నగునూరి రాజన్న

కరినగరము.