WAM అంతర్జాల విశ్వ కవి సమ్మేళన రూపకర్తలకు,
శ్రీ చింతల శ్రీనివాస్ గారికి Dr Bandaru Sujatha Sekhar gariki సభ్యులకు నమస్కారం
సాహితీ మిత్రులకు శుభ సాయంత్రం
కవితా కాంతి.... ఆరోగ్య క్రాంతి
శీర్షిక..లోపల ....బయట
వివిధాంగాల వింత శరీరమోలె
పోషణలను బట్టి పొంగి పొర్లే ఆరోగ్యమోలే
విభిన్న భాగాల విరివైన కలబోతలే
మన చుట్టున్న సమాజం మిత్రమా!
జిహ్వ చాపల్యమో చిత్త చాంచల్యమో
వాతావరణ కలుషితమో
మత్తు మందుల క్రీనీడలో
ఇరుగు స్వార్థాల పురుగులో
పొరుగు బంధాల పోరులో
ఆరోగ్యాల చిట్టాలను అపహరించినట్టు....
అప్పుడప్పుడు తడబడు అడుగులు....
ఆయువు పట్టయిన సమాజ స్థితిగతులను
అడుగంటించి ఆనందించు....
చాప కింది నీరులా అతలాకుతలం చేసి... అస్థిరపరచ....
అర్రులు చాచే అనారోగ్య కార్యకర్తలు
అహర్నిశలు సిద్దమే..... పారాహుషార్!
ప్రతినిమిషం పర్యవేక్షకులమై
అప్రమత్తంగా అడుగులేస్తూ
ప్రశ్నలు సంధిస్తేనే పదిలం....
పదికాలాలు సురక్షితం.... సుమా!
అక్షరాల సహకారం
బతుకు మీద ఉపకారం
కలిపి నిలిపితేనే కదా
కవితై కాంతిని వెదజల్లేది ....
విలువైన మనిషి బతుకున
విచక్షణల విలువలు తెలిపి
వివేచనల మలుపులు చూపి..
సమాజ సమకాలీన స్థితిగతుల
సంతులిత నాడీ ఆరోగ్య కేంద్ర
నిర్దారణా వితరణశీలి..... కవి
సమాజ ఆరోగ్య క్రాంతి....
నగునూరి రాజన్న
కరీంనగర్
No comments:
Post a Comment