అంతా మన చేతుల్లోనే....
తేది: 28-08-2020
శీర్షిక: మనిషి తత్వం కావాలి...
సంఖ్య: 501
జీవితమంటేనే ఒడిదుడుకుల
మయం...చీకటి వెలుగులయ్యే
కష్ట సుఖాలు... లాభ నష్టాలు...
కలిమి లేములు.... అన్నింటికి ....
కలిమాయలో కాలమహిమలో
మంచియన్ని మా ఖాతాలో
బాగో లేనియాన్ని పక్కోడి జేబులో
స్వార్థాలను చంకనెత్తుకున్న
మనిషి మొగ్గేది ఎప్పుడూ..... అంతే
ఆత్మ సాక్షి అరిచి గీపెట్టినా
ఆవలకు నెట్టేసి మంచికంతా నేననే
అహంభావపు అవతారమే
అక్కడా ఇక్కడా ఎక్కడైనా .....
ఈర్ష్యా ద్వేషాలను ఈసడించుకుని
కష్టే ఫలీలను నమ్ముకుని
తల రాతలను చెరిపేసి
తన రాతను రాసుకోవాలి ....
మనస్తత్వాన్ని మార్చుకుని
అలసత్వాలను అటకెక్కించి
జవసత్వాల కాలాన్ని కరిగించి
మనిషి తత్వాన్ని నింపు కోవాలి ....
నగునూరి రాజన్న
No comments:
Post a Comment