బాసటగా నిలుద్దాం
తేది : 03-08-2020
శీర్షిక: బాధ్యతల బంధం....
సంఖ్య: 506
రంగు దీపాల పొత్తిళ్ళలో
అందమైన అద్దాల హంగులతో
ఆన్లైన్ వ్యవహారాల హడావుడీలతో
అనవసరమైనవి కొనిపించడంలో
ఆరితేరిన ఘరానాల చేతుల్లో....
అధికధరల ముసుగుల్లో
ఆఫర్ల వలలు విసిరే సూపర్
మార్కెట్టులో కిక్కురుమనకుండా
పరువు ప్రతిష్టల వెంట పరుగెత్తేకన్నా ....
ఎండా వానలు లెక్క చేయక
కాయ కష్టాన్ని నమ్ముకుని
కాలం వెళ్లదీస్తూ
దినసరిలతో
స్వయం సమృద్ది ప్రయత్నాలకు
సంకేతంగా నిలిచే కార్మికుల
కుటుంబ పోషణలకు అండగా
పొట్టకూటి కోసం చెట్ల కింద
పొగచూరిన బట్టలతో
పోరాటం చేసే చిల్లర వ్యాపారులకు
అప్పుడప్పుడు కొనుగోళ్లు చేసి
అండగా నిలుద్దాం ఆసరవుదాం ...
No comments:
Post a Comment