చిన్నప్పడు మా అమ్మగారైన
నగునూరి నర్సమ్మగారి పాటలోని
పల్లవికి నేను జత చేసిన చరణాలు
వారి జ్ఞాపకంలో ........
**********************
పార్వతీ దేవీకి మంగళం
మాపర్వ కల్యాణీకి మంగళం
అంబవారా నీకు మంగళం
శారురంబవారా నీకు మంగళం
పసిడి ఆసనమేసి
ఆహ్వానమంపంగ...
రత్న పీఠము వేసి
రమ్మని కొలిచెదను
కలహంస రావమ్మ
కారుణ్య మూర్తిగ
// పార్వతీ//
పంచామృతముల
అభిషేకింతుమమ్మ
పసుపు కుంకుమల
పూజింతుమమ్మ
పన్నీరు గంధముల
అర్పించెదమమ్మ
// పార్వతీ//
ఘుమఘుమల సామ్రాణి
కురులకందించి
మల్లెలు మరువము
చామంతి ధవనము
దండి గులాబీలు
నిండుగ ఇచ్చెదము
// పార్వతీ//
బంగరు వర్ణముల
పట్టు వస్త్రములిచ్చి
చెంగావి అంచుగల
ధవళ వస్త్రములిచ్చి
దండిగా కొలిచెదము
తనివి దీరా.....తల్లీ
// పార్వతీ//
ముంగురుల కేశముల
ముద్దు అలంకరణలు
మెప్పైన సవరం
కొప్పులోనికి కుప్పె
పాపటన పచ్చలు
పదిలమై నిలువంగ
నుదుటన బొట్టుతో
నిగనిగల మెరువంగ
// పార్వతీ //
చెవులకు దుద్దులు
చెనుకులీనంగ
తళుకుల ముక్కెర
మిలమిలల దర్శింప
రంజింప జేసేటి
చంపేశ్వరాలతో
ధగ ధగల హారములు
జిగినీలు కురియంగ
// పార్వతీ //
ముంజేతి కడియములు
మురిపములు తీర్చంగ
చమికీల గాజులు
చేతినిండా తొడిగి
భుజమున వంకీలు
బహుచక్క నొప్పంగ
// పార్వతీ //
ముత్యాల దండలు
నిత్యమై నిలువంగ
పచ్చల హారములు
ఒప్పుగా సొంపంగ
కంఠమున హారములు
మురిపమై మెరువంగ
// పార్వతీ //
నడుమున ఒడ్డాణం
దండిగా ధరియించి
కాళ్లకు కడియములు
కమనీయ భరణాలు
నవ రత్నములన్నియు
సక్కంగ సవరించి
సాదరమ్ముగ మేము
పూజింతమమ్మా...
// పార్వతీ //
తీరొక్క అలంకరణలు
తృప్తి చెందా చేసి
పాద పూజలు జేసి
పావనము పొందెద...
రజిత చామరముతోడ
ఉపచారమందిస్తు
పట్టు పరుపులపైన
పవళింప జేస్తునూ....తల్లీ
// పార్వతి //
సౌభాగ్యముల తోడ
చల్లంగ చూసి
పండంటి పిల్లలను
వరములుగ ఇచ్చి
పాడిపంటలనొసగి
పదిలంగ చూడమ్మ
ఆదరమ్మున మమ్ము
చేరదీయంగ.......
// పార్వతి //
నగునూరి రాజన్న
ఏరడపల్లి
కరినగరము
No comments:
Post a Comment