కాళోజి జయంతి 2020
తేది: 09-09-2020
శీర్షిక: మానవతావాది
సంఖ్య: 511
పుట్టిన పురిటి గడ్డకన్నా
మాతృ పితృ భాషలకన్నా
తనువు పోషణల తాను
నిలిచిన తెలంగాణా గడ్డకై
తపన పడ్డ తెలుగు బిడ్డ...
నైజాముల నిరంకుశాన్ని
రజాకార్ల రచ్చల నెండగట్టి
అన్యాయాలపైన అలుపెరుగని
పోరాటాలుజేసిన ‘తొలిపొద్దు’.
తెలంగాణా ' యాస ' ' భాష '
తెల్లారిపోకూడదని అల్లాడిన
తెలంగాణ గుండె చప్పుళ్ళ "కాళన్న "
ఆణి ముత్యపు మాండలికాలు
అపూర్వమైన అతని రచనలు
పాఠ్యాంశములాయే డిగ్రీలకు
పీజీలకు డాక్టరేట్లకు ...
హింస వద్దంటూ రాజ్యహింస
అసలొద్దంటు.. అహింసను
అక్కున చేర్చుకున్న ‘గొడవ’ కారుడు...
మొత్తానికి అతనో గొప్ప మానవతావాది...
నగునూరి రాజన్న
కరినగరము
No comments:
Post a Comment