నీలి నీడలు తేది:

అంశం : నీలి నీడలు
తేది: 29-10-2018
శీర్షిక : సిగ్గుపడుతున్న నీలి నీడలు
సంఖ్య : 84

ఎన్నికల నగారా మోగింది
రాజకీయుల రంజు మొదలయ్యింది
రాగాల....మేని... ఫెస్టో...ల బాకా సరిజేత్తున్నరు... సైసు.....

అయ్యా.....మా జోలె నింపండి......
మీకు మన్నంటనియ్యం ..........ఒకల్లు
అమ్మా....... మాతా కబళం...........
మిమ్మల్ని..... నెత్తమీద వెట్టుకుంటం....ఇంకోలు

నాన్న పదవినడ్డం బెట్టుకుని.....
నలిచి కోట్ల మన్ను  బుక్కితే........
దంచినోనికి బుక్కిందే మిగులుబాటన్నట్టు...
అనేకానేక కుంభకోణాలకు ఆలవాలమై
నిస్సిగ్గుగ నిలిచిన ముఠా ఒకవైపు.........ఒకరి ఆరోపణ...

ప్రాజెక్టుల నమూనాలు మార్చి
పదవులడ్డం పెట్టుకుని
పంచుకుంటున్నరు కమీషన్లని .... ఇంకొకరి ఆరోపణ ...

పెద్ద పెద్దోళ్ళు ఏకంగా
యుద్ధ విమానాల కొను... "గోల్ ".... మాలని
ఇంకొకరి ఆరోపణ.........

ఖబర్దార్ బిడ్డా......
ఖద్దరొళ్ల మాట..... నీళ్ల మూటా .....
నమ్మనే నమ్మకని ......  నా మనస్సాక్షి.

అంతటా అవినీతి నీలి నీడలే ........

రోజులు గడిచినయి ......... నూతన సంవత్సరం.

సిగ్గుపడుతున్న నీలి నీడల వెలుగుల్లో
మొగ్గ తొడిగిన సగటు ఓటరన్న .....
మళ్ళీ సమాయత్తం కావాల్సిందే..... 
ఎదో ఒక .... ........ ........ ఓటేయాల్సిందే......

నగునూరి రాజన్న