నది 01 -11 -2018

01 -11 -2018
అంశం: నది
శీర్షిక: నిజ మానస సరోవరాలు

సుందరమైన సంద్రమెంత విశాలమైనా...
సురుచిర రుచికర తాగునీరు....కానే కాదు
అరక దున్నే రైతన్నకు సాగునీరు... అసలు కాదు
గుక్కెడు కడుపు నింపదు జీవ కోటికి....
పట్టుమని పట్టెడు పుట్ట తేనై పనికి రాదు.....

భానుడి భగ భగలకు ఆవిరయ్యే సంద్రం
చల్ల గాలికి మలిచి నిలిచిన మేఘం
కొండ కొనల్లోన కొలువౌను చినుకుగా
నిండు పాయలై  బయలెల్లి పరుగెత్తు...
పండు వెన్నెల్లు ప్రకృతిన పదిలపరుచ........   

వాగు వంకలన్నీ కలిసి  సెల ఏరులయ్యి.... 
పచ్చ పచ్చని తరులకు చక్కంగ నెలవయ్యి
పుడమి తల్లికి నిండు పట్టు చీర కట్టినట్టు
పుట్టింది భువిపైన పునీతులను జేయ.....
పుణ్య తీర్థాలుగా వెలసి విలసిల్లుతుంది ........

నాగరికతకు కేంద్రాలు నదీమ తల్లులు
నిత్య చైతన్యానికి ప్రతీకలు
మానవాళి మనుగడకు నిహారికలు
తాగు నీటికి సాగు నీటికి కేంద్రాలు
జలచరాలకు నిజ మానస సరోవరాలు.....

నగునూరి రాజన్న