అంశం : మాల్స్
శీర్షిక : బంధమెరుగని బాజార్లు
25 -10 -2018
సంఖ్య: 82
ఉన్నవాడి డాబు దర్పానికి
మధ్యతరగతి అంతా హడావుడి
కోట్లిచ్చి కొండమీది కోతులతో ప్రారంభాలు
మొదటి రోజు, వారం, నెల పథకాలు
కావాల్సిన నాలుగు వస్తువలకై
కాళ్లరిగేలా నలువైపుల తిరగాలి
సమయమంతా హరించుకు పోయి
సంకనాకి పోతాయి మిగతా పనులు
పార్కింగులో పతాక సన్నివేశాలు
ఇదికొంటే అది ఫ్రీ అని
అది కొంటె ఇది ఫ్రీ అని
ఇరకాటంలో పెట్టి ఇబ్బంది పెడతారు.
మా మాల్ మెంబర్షిప్ ఉంటె డిస్కౌంట్
మా మాల్ క్రెడిట్ కార్డుంటే పాయింట్లంటూ
మడత పేచీలు పెట్టి గోడకుర్చీ వేయిస్తారు
మళ్ళీ మళ్ళీ రా రమ్మంటూ గోము చేస్తారు
మనిషి మరులు గొన్నాడు డబ్బు మీద ........
మనిషి మరలై నర్తిస్తున్నారు
మనిషికి మనిషికి సంబంధం లేదు
మొత్తానికి బంధమెరుగని బాజార్లు
నగునూరి రాజన్న
No comments:
Post a Comment