చీకటి వెలుగుల రంగేళి 2

అంశం : చీకటి వెలుగుల రంగేళి 2 

07-11-2018

శీర్షిక : వెలుగు నీడన పురివిప్పిన చీకట్లు 

మిల మిల మెరిసే 

తారాజువ్వల దీపావళికి 

పురి విప్పిన వెలుగుల నీడన 

కరి మబ్బుల చీకట్లెన్నో..... 

ప్రజల మోమున ఆనాటికి  

ప్రసన్నతలు పలికించే 

పటాసు కంపెనీల నీలి నీడల్లో

పరేషాన్ అవుతున్న పరివారలెన్నో ....... 

కడుపు నింపదు కలకాలం కార్మికునికి...  

కంటి మెరుపులు క్షణకాలం  ప్రజలకు  ... 

కరి మింగిన వెలగపండులా ..... 

కొసమెరుపు దండుకునే దళారులకు తప్ప .... 

అస్తమిస్తున్న సూర్యునిలాగా   

రోజు రోజు దిగజారుతున్న 

రోత పుట్టే పర్యావరణానికి ఇంకా 

రాచ మార్గమేసినట్టు...... 

చేసుకున్నోడికి చేసుకున్నంత ..... 

చేజేతులా చిచ్చు పెట్టి 

చెరిపిన పర్యావరణానికి 

మనచేతే  కక్కిస్తారు పన్నులు రూపాన....  

విద్య లేని వాడు వింత పశువు కాదు 

విద్య ఉన్న విజ్ఞుల మౌనం 

విడువరాదు శాపగ్రస్త కాలం... 

విదిలించు రాబోవు తరం .... 

అందుకే :

కవులు కళాకారులు 

కదం కలిపి కదలాలి 

కలి క్రీడలు  నిలపాలి 

కలుషితాలు తెలపాలి .... 

"కళ " కాలం బ్రతకాలి. 

నగునూరి రాజన్న