జీవన సౌరభాలు 06-11-2018

జీవన సౌరభాలు
తేదీ : 06 -11 -2018
శీర్షిక :ఆనందాల హరివిల్లే......... 
సంఖ్య : 89

అమృతతుల్యమైన అమ్మానాన్నల ఆలన.....
మధురమైన బాల్యం.
ఆదరించి ప్రేమించే గురు బోధనలు...
ఎదుగుదల కలిగిన విద్యాభ్యాసం.....
ఆత్మీయతలు పంచి నిలిచే ఆలంబన....
అదృష్టం కలగలిసిన జీవితం.

నిలిచిన ప్రతి చోట గెలువడం..
గెలిచిన ప్రతి క్షణం బాధ్యత గుర్తెరగటం....
ఎంత ఎదిగినా ఒదిగి నిలవటం....
పెద్దలనెప్పుడు గౌరవించగల్గటం....

మనసు తెలుసుక మసలుకునే భాగస్వామి.....
మాట చెప్పితే వినే పిల్లలు....
ఆహ్లాదం పెంచే పనులు ......
అరమరికలు లేని అనుబంధాలు...
అన్నీ అమరినట్టు కుదిరితే ...
ఆనందాల హరివిల్లే...
ఆ ఇంట అసలైన జీవన సౌరభాలే కదా!

జీవితం అందరికి వడ్డించిన విస్తరి కాదు సుమా!
ప్రయత్నిస్తే పట్టు సాధించొచ్చు.
పరులను మెప్పిస్తూ.....
మనకు నచ్చిన జీవన శైలిలో నిలవచ్చు....


నగునూరి రాజన్న