అంశం : తేనె పూసిన కత్తి
తేదీ : 27 -10 -2018
శీర్షిక : గీతే శరణ్యం
సంఖ్య: 84
నిండు వేసవిలో పండు వెన్నెలలా
హిమాలయాల్లో మంచుగడ్డ చందంలా
ఎడారిలో కనిపించని ఒయాసిస్సులా
ఆహ ఎంత మధురం ఆ తీయని మాట
అనిపిస్తుంది ఆ క్షణాన ఎవరికైనా........
అయినవాళ్లంతా అవకాశవాదులా...
అసలు ఆప్తుడంటే ఇతనేనా....
పరిసరాలు మరిచేంత పరిచర్యలు
నిండా నమ్మి నడిస్తే అప్పుడు గాని
అవగతం కాదు పోటు దిగేంతవరకు....
కనికట్టు మాటలకు పడబోకు
కనిపెట్టుకుని కదం కలుపు
కల్మషమున్న తీపిని గుర్తించు
కషాయమైనా మంచి కోరే మనుసును గుర్తించు
కర్తవ్య నిర్వాహణలో ఏమరుపాటు అసలే వద్దు
గీతలో చెప్పింది అక్షరాలా నిజమ్
జీవితాన అన్నింటికీ ఆచరణీయం
అంటి ముట్టనట్టు అనుసరించు
పొగిడితే మునగ చెట్టెక్కొద్దు
తెగిడితే కక్ష పెంచుకోవద్దు....
నగునూరి రాజన్న
No comments:
Post a Comment