కలల బేహారి

కలల బేహారి 

తేది- 12 -03 -2020 

శీర్షిక - నమ్మకాల్ని వమ్ము చేయకు... 

సంఖ్య-367

ప్రాణకోటికే ప్రచండం మానవ జన్మం 

యుక్తాయుక్తాల వివేచనం మనకే సొంతం

అయినా మత్తు వదలని విక్రమార్కులం 

ఆలోచనలు కూడా ఆచరించలేని అనాథలం 

కాలు చేయి కదపలేని కబోదులం...... 

కలల లోనే కదలాడే కరటకులం

కర్మంటే మా ఇంటా వంటా లేదంటాం 

ఉన్నది లేనట్టు... లేనిది ఉన్నట్టు .... 

ఊహల్లోనే విహరిద్దాం...శూన్యంలోనే ఊరేగుదాం.. 

ఎదుటి వారి కలలను ఏరుకుంటారు

ఏపారంగా మార్చి బతికేస్తుంటారు

ఎవరేమనుకున్నా పట్టించుకోరు

ఎప్పటికైనా మారతారేమోనని చిన్న ఆశ.... 

కొంత మంది మాత్రమే ఉంటారు

నిజాయితీగా కలలు కంటారు 

నిబద్దతతో అడుగులు వేస్తారు

నియమనిష్టలతో అమలు పరుస్తారు

 

ప్రణాళికలతో పనులు చక్కబెడతారు

క్రమశిక్షణలకు చిరునామై నిలుస్తారు 

హిమశిఖరమైనా అలవోకే అధిరోహించ 

అజరామరమై నిలుస్తారు ప్రజా గుండెల్లో... 

అబ్దుల్ కలాంగారిలా....  

నగునూరి రాజన్న

హైదరాబాదు.