అంశం: కరి వేప
తేదీ: 18 -10 -2019
శీర్షిక - హరిత చరితము
సంఖ్య- 306
హరితమే కదా మానవ చరితమూ... హితం
కరుకు బెరుకులు కనబరిచినా...కమ్మదనం
సువాసనలు వెదజల్లే....సమ్మోహనం
సురుచిర వంటకాల ..... సుగంధం ......
కొలువతరమా నీ కమ్మదనం ....
విలువల జోడింపే.... ప్రతి వంటకం
ఇంపదు నీవు లేక .... తాలింపు
సొంపదు నీవు కలువక... పులిహోర దద్దోజనం ....
సూక్షంలో మోక్షమై నిలుస్తావు
మోతాదు చిన్నదైనా
మోగిస్తావు నగారా రుచులలో....
పచ్చళ్ళైనా పరిమళించు నీ చిగుళ్ళతో......
కాల్షియములు నిండుగా కలిగి
క్యాన్సర్లను దూరముంచే ప్రభావశీలివంటూ
కడు సుగుణాలను సంతరించుకున్న
కరదీపిక ఔషధాన.... ఆయుర్వేద విఫణియందు....అయినా.....
కలిమాయల ప్రభావమో ఏమో కాని
కన్న తల్లిదండ్రులను
కలిసి నివసించే బంధు మిత్రులను
అవసరానికి వాడుకుని
ఆనక విస్మరిస్తూ ..... మనుషులు
నిన్ను సామెతగా వాడుకుంటున్నారు సుమా...
No comments:
Post a Comment