నిరర్ధక స్వప్నాలు
తేది- 20-03-2020
శీర్షిక- నిరర్ధక స్వప్నాలు
సంఖ్య- 373
మేను ముసుగులో మెదిలే
మేధోమధన భావనలు
కనుల తెరలలో క్షణకాలం కదిలే
దృశ్య రూపాంతకాలు .....
పట్టుదల ప్రశిక్షణ ప్రణాళిక ఓర్పు నేర్పులు
మార్గదర్శకమయిన కృషి మాత్రమే
స్వప్న సాకారాల రహదారులు.....
స్వాప్నికుల సమున్నత శిఖరారోహణం....
స్వప్నం సాకారం కావాలంటే
సకారాత్మక సానుకూల ఆలోచలు...
ధర్మ దక్షతతో కూడుకోవాలి
న్యాయ సమ్మతమై నడచుకోవాలి.....
అలసత్వం అందిపుచ్చుకుని
అదృష్టం కై ఆశపడి శ్రమను వీడి
పరాకును పొదువుకుంటే
అన్నీ స్వప్నాలు నిరర్దకాలే సుమా !
నిత్య స్వప్నలోక సంచారమే
మిధ్య బతుకుల బాగోతం...
స్వప్నాలకే జీవిత సర్వాంకితం
నిరర్ధకాలకు నిలువెత్తు నిర్వచనం...
నగునూరి రాజన్న
హైదరాబాదు.
No comments:
Post a Comment