ఋణానుబంధం
తేది10-03-2020
శీర్షిక: ఋణానుబంధ రూపేణా....
సంఖ్య - 365
జన్మభూమి నా దేశం నమోనమామి
కర్మభూమి నా దేశం నమో నమామి
పాప భీతి..మంచి చెడుల సమాగమం
దైవ చింతన.. పాపపుణ్యాల ప్రక్షాళనం
పుణ్యాపుణ్యాల పూర్వజన్మ కృతములే
పురుడుపోసుకునే ఈ జన్మ బంధాలు ....
పైవాడి పకడ్బందీ అరమరికల అల్మారా
గిజిగాడి అల్లికే... బంధాలు బంధుత్వాలు
అమృతం చిలికించే అమ్మయినా
అనురాగం పండించే నాన్నయినా
ఆప్యాయతలు నింపే తోబుట్టువులయినా
ఆదరువుగ నిలిచే సంతానమయినా......
ఆపన్నులయే మిత్రులయినా.....
ఆలోచనలకు ఆశ్చర్య కడలిగా అనిపించినా
తార్కికాలకు తాత్సారం లేకుండా
అవపోశనల అంతిమ సారం... సంస్కారం...
అదేకదా మన సంస్కృతి సాంప్రదాయం....
పశువులకైనా ప్రజలకైనా
పాలనలకైనా పాలకులకైనా
పలుకుబడిగా నడిచేది...నిలిచేది...
పక్క పక్కన నిలిచి కాచేది .. కంచె సుమా!
క్రమశిక్షణల తరాలకై
కదలిన విజ్ఞ గణం
కదిలించిన నియమ తోరణం
కలకాలం నిలిచే రూపకల్పనం...
నగునూరి రాజన్న
కరీంనగర్
No comments:
Post a Comment