అల వైకుంఠపురములో....
తేది 02-03-2020
శీర్షిక: మన భారతాన....
సంఖ్య- 362
అంగాంగము నిలిపిన ఆనందం
సర్వాంగ సుందర నందనవనం
దివ్యాంగులతో పోల్చితే కనే వైనం
భగవంతుడు ప్రసాదించిన ఈ జన్మం.....
ఆత్మీయతల పెంపకాల అమ్మానాన్నలు
అనురాగాల
నందించే
తోబుట్టువులు
ఆప్యాయతలను పంచే
బంధు మిత్రులు
అనుక్షణం అన్నీ అమరిన బతుకు పందిరిలో .....
అమర్చి నిలిపిన స్వేచ్చా స్వాతంత్య్రం
అహోరాత్రులు అంటిపెట్టుకున్న సైనిక పహారా
అనుకున్న చోట బ్రతగ్గలిగే వెసులుబాటు
అదే కదా స్వాతంత్య్ర భారత సౌరభం ......
వేదఘోషకు వేదికైన ఈ దేశం
పురాణాలకు పుట్టినిల్లు మన దేశం
ఇతిహాసాలకు ఇంద్రధనస్సుల సరస్సు
సంస్కృతి సత్ సంప్రదాయాలకు చిరునామా ....
అప్పుడప్పుడు
అక్కడక్కడా తప్పని
అల్పుల ఆగడాలు రచ్చలు తప్ప
అల వైకుంఠపురమే కదా అధికులకు
అపురూప మానవ జన్మ మన భారతాన....
నగునూరి రాజన్న
కరీంనగర్
No comments:
Post a Comment