కరోనా....ఓ కరోనా
తేది- 21-03-2020
శీర్షిక - కరుణించవే ఓ కరోనా
సంఖ్య- 374
కరుణించవే ఓ కరోనా
కాసింత... కూసింత...
కనికరించవే ఓ కరోనా ....
తెలిసో తెలియకో మనిషి
చేసిన జీవహింసను....
మనసున పెట్టుకోకు
మంకు పట్టు పట్టుకోకు....
కాంతి వలయన్నంటావు
జీవ కాంతినే లాక్కుంటావా?
మహమ్మారిలా వచ్చావు
మనిషి జాడలే కబళిస్తున్నావా..!
చీని దేశాన పుట్టినావే
చిందులేసి విస్తరించావే...!.
కంటిమీద కునుకులేకుండా
కంచెలన్నీ దాటుతున్నావే....!
ప్రపంచ యుద్ధాలను మించిపోయి
విశ్వమంతా విస్తరించావు....!
రోజుల్లోనే అల్లుకుపోయి
వేలల్లోనే మింగుతున్నావు.....!
మనిషి మారిపోయి
పొరుగు కళ్యాణం కోరితే....
ప్రకృతి ప్రశాంతించి
పరిఢవింపుకై ప్రయత్నించదా!
నగునూరి రాజన్న
హైదరాబాదు.
No comments:
Post a Comment