నాన్న
అవని చేరిన విత్తనానికి
అంకుర బీజదళమోలే
అకుంఠిత రక్షణ కవచమై
అనుక్షణం పహారా కాస్తాడు...
గుండెలపైన ఓలలాడించి
గుంభనంగా ప్రేమ పంచుతాడు
గురుతరంగా శిక్షణలిచ్చి
గుండెలోనే పొంగిపోతాడు...
అవసరాలన్నీ అందిపుచ్చుకుని
ఆర్ధికతలను సమకూరుస్తాడు...
ఆప్యాయతల పోషణలిచ్చి
అనురాగలనందిస్తాడు....
స్వావలంబనలకు సంకేతమై
సంతృప్తిని పొందే తత్వం ....
భావి మార్గదర్శి అయి
బతుకు గమ్యం బోధిస్తాడు...
కాల గమనంలో కనుమరుగౌతున్నాం
కన్న ప్రేమల కమ్మదనాల గుర్తింపులో
ఆస్వాదిస్తే అద్వితీయం అమేయం
ఆదరిస్తే అనునిత్యం అవుతుంది ద్విగుణీకృతం.
నగునూరి రాజన్న
కరీంనగర్.
No comments:
Post a Comment