విశ్వ జీవన రాగాలు
తేదీ - 24-02-2020
శీర్షిక - కలుషితాల కల కలం....
సంఖ్య - 357
గ్రహాల ఉపగ్రహాల గగన సమూహం
సూర్య చంద్ర నక్షత్రాల సమాహారం
ఒక్కొక్క పాలపుంత ఒయ్యారం
పలు పాలపుంతల ఆవిష్కారం...ఈ విశ్వం
భూచరాల జలచరాల భువనం
వాయు విహంగాల భాండాగారం
అనేక జీవ రాశులకు ఆలవాలం
అమృతమైన ఈ ప్రకృతి సోయగం....
పవిత్రమైన ప్రకృతి పరిష్వంగంలో
ఫరిడవిల్లాల్సిన ప్రజా జీవనాలు
పలు కలుషితాల పర్యావరణ రణంతో
పరాకు పాలకుల స్వార్థ చింతనలతో
విరాజిల్లాల్సిన విశ్వ జీవన రాగాలు విల విల.....
మానవాళి మర్కట రూపాంతరమయినా
బ్రతుకు బ్రతుకనియ్యంటు బాటలు వేసినా
కాలమానాల మార్పుల ప్రవాహంలో
కరిమింగిన వెలగపండే కలి ధర్మం.... మిత్రమా!
నగునూరి రాజన్న
కరీంనగర్
No comments:
Post a Comment