మనిషి లోపలి సంభాషణ
తేది - 13-03-2020
శీర్షిక- అందుబాటైన అంతర్ దిక్సూచి.
సంఖ్య - 368
అంతరంగం అడుగున నిక్షిప్తమై
తరతమాలను తడబడే నడవడికలను
తప్పులు దొర్లిన సందర్భాలను
ఎత్తి చూపుతూ తొంగిచూస్తుంది....
అడుగడుగున ఆరిందలా
అన్నీ తెల్సిన పెద్ద మనిషిలా
అందరిని అంటిపెట్టుకునే
సర్వాంతర్యామియై సరిదద్దడానికి సై అంటుంది....
సందర్భ సాంద్రతను బట్టి
సమరానికి సంకేతించి
సమస్య పరిష్కారానికి
సామ దాన బేధ దండోపాయాలను సైతం
సూచించి సమాధానపడుతుంది....
అనుక్షణం అనుసరించినవారిని
అందలమెక్కించి ఊరేగిస్తుంది
అమరజీవులను అహింసావాదులను
అబ్దుల్ కలాములను ఆవిష్కరిస్తుంది...
కప్పగంతుల్లా దాటేసేవారిని
కాలగమనంలో కరిగిపోయే
కాలం మరిచే హ్రస్వ చరితులుగా
కబోది జీవితంలా మిగిలిపోతారు ....
అందరికి అందుబాటైన అంతర్ దిక్సూచి.
నగునూరి రాజన్న
హైదరాబాదు
No comments:
Post a Comment