మట్టి మనిషి ఆకాశం
తేది- 26-02-2020
అవినాభావ సంబంధం
సంఖ్య- 358
చిత్రంగా మనిషయినా చిన్మయంగ మానయినా
పచ్చని చెట్టైనా పట్టుకోలేని గుట్టయినా
పరుగు పరుగున ఎగిరే పక్షైనా
పడిలేచే సంద్రమయినా పయనించే మేఘమయినా
ప్రాణమున్న జీవమైనా ప్రాణం లేని పంజరమైనా
పంచభూతాల పరిణామమే ప్రతీది !
జన జన్మానికైనా ఉదర పోషణానికైనా
ఊతమే మనిషికి మట్టి ఆకాశం రెండూ.....
అందరు మట్టి మనుషులే అయినా
ఆ మట్టిని నమ్ముకున్న ప్రత్యక్షుడు మాత్రం హాలికుడే...
ఆకాశం కరుణించకపోయినా
అరుణిమ అనుగ్రహించకపోయినా
అవకాశానికై ఆరాటపడుతూనే ఉంటాడు
ఆకాశంవైపు ఆత్రుతగా ఎదురుచూస్తూ
ఆశల పల్లకినెక్కి ఊరేగుతూనే ఉంటాడు...
కన్న బిడ్డలోలె పంట చేలను పెంచినా
కంటి పాపలోలె ప్రతి పూట సాకినా
పంటకు కనీస మద్దతు ధర లేక
పాలకుల పరాచికాలకు బలౌతూనే ఉన్నారు....
పేరుకు రైతే రాజనే నానుడే ఉన్నా
పెత్తనమంతా పరుల చెంత......
నివురు గప్పిన నిప్పై నిన్ను నన్ను దహించక ముందే
బాధ్యత తెలిసిన పాలకులుగా
బాధలు తెలిసిన అధికారులుగా
కష్టసుఖాలెరిగిన పౌరుడిగా చేయూతనందిద్దాం....
నగునూరి రాజన్న
కరీంనగర్.
No comments:
Post a Comment