వాస్తవం లోకి తొంగిచూడు
తేదీ -17 -03 -2020
శీర్షిక - పరధర్మం కన్నా మన ధర్మం మిన్న
సంఖ్య - 371
ఆర్భాటాలకు ఆడంబరాలకు ఆమడగా
డాంబికాలకు భిన్నంగా
హంగులు రంగులు అద్దకుండా
మెరుపులు మెరుగులు దిద్దకుండా
అచ్చంగా ఆచరించేది ......
కృత్రిమాలను అలంకరించుకుని
మేడిపండు మెరుగు నవ్వులు పులుముకున్న
కరచాలనం కత్తి కన్నా పదునైన ఆయుధమని...
ఆత్మీయతలను ఆరబోసే దండం
నమస్కారము గొప్ప సాంప్రదాయ సంస్కారమని
మన ధర్మం హిమశిఖర మహోన్నతమని....
విశ్వ కీర్తనలు విన సొంపాయే వీనుల విందాయె!
స్వచ్ఛ శుభ్రతను చంకన బెట్టుకుంటే
ప్రతీ అనుభవం పచ్చి చాదస్తామంటూ
మంచిని కూడా వంచన రాజకీయమని
వత్తాసు పలికినోళ్లవి వెకిలి చేష్టలని.....
జన జాగరణ నేడు జాతి గర్వమాయె....!
ఇప్పటికైనా మించింది లేదు మిత్రమా
గీత బోధనా సూత్రమే సుమా!
పరధర్మం కన్నా మన ధర్మం మిన్న
వాస్తవమెంత కటువైనా
వాదించక తొంగిచూడు....
నగునూరి రాజన్న
హైదరాబాదు.
No comments:
Post a Comment