నిశ్శబ్ద ప్రతిధ్వని
తేది - 14 -03 -2020
శీర్షిక - ప్రళయమే రావొచ్చు!
సంఖ్య - 369
ఉదయాత్పూర్వపు తొలి సంధ్యన
అమృత ఘడియల ఆరంభాన
ఆవరించిన నిశ్శబ్ద ఛేదనలో ప్రతిధ్వనించు
ప్రాసయుక్త పక్షుల కిల కిలా రవములే కాదు...
నిశ్శబ్దం ప్రతిధ్వనిస్తే నిలువున ముంచే
సంతులిత తరంగాల సంద్రం సైతం
కప్పులు ఎగిరించే తుఫాన్లు మోసుకొని
నిప్పులు చెరిగే సునామీలను చూపదా!
అవును నివురుగప్పిన జన సామాన్యుని
నిశ్శబ్దం నిరాఘాటంగా ప్రతిధ్వనిస్తే
రాజకీయ రాబందుల గోళ్లు చిట్లుతాయో...
పాలకుల పరాచికాలకు ఫులుస్టాపులో......
అధికారుల ఆగడాలకు అడ్డుకట్టలో .....
బల్లకింది బడాబాబులకు చిల్లు జేబులో...
నిశ్శబ్దం చేతకాని తనమూ కావొచ్చు...
నిలకడైన వినయ విధేయతలు కావొచ్చు...
నిలకడ లేని అలసత్వమూ కావొచ్చు....
నీతి వదిలిన స్వార్థమూ కావొచ్చు.....కానీ
ప్రతిధ్వనిస్తే మాత్రం ప్రళయమే రావొచ్చు!
నగునూరి రాజన్న
హైదరాబాదు.
No comments:
Post a Comment