సద్యోగం
తేదీ - 29-02-2020
శీర్షిక -పరిఢవిల్లు ప్రజాక్షేత్రం....
సంఖ్య- 361
ఉద్యోగం పురుషలక్షణం నాడు
లింగ బేధముల బేరీజు లేదు ఈనాడు....
సిఫారసుల చిట్టాలు కొందరికి
పచ్చనోట్ల ముచ్చట్లు ఇంకొందరికి....
ఆర్థికతలకన్న అర్హతలెక్కువ ఒకచోట
అరకొర అక్షరాస్యతకు పట్టాభిషేకములింకోచోట
యజమానులిచ్చు మాసపు రాళ్ళ యావ కన్న
మచ్చ తెచ్చే ప్రజా పీడనలే
ఫలహారముల విందుభోజనములు....
ఉద్యోగాల జాడ లేక ఉసురు కొందరికైతే
జీతం ...
గీతం ... రెండూ కావాలి ఉన్నవారికి
తారతమ్యం మరిస్తే తమాషా చూస్తుంది
తక్కెడ లెక్కకు మించితే బొక్క బోర్లానే ......
యథా రాజా తథా ప్రజా
పాలనల నుండి పారే మురుగు
అధికార దర్పాల పొగరు
ప్రజాక్షేత్ర ప్రగతికి కాకూడదు లంగరు....
ఆధికారముంటే అంధకారం కారాదు
దర్పముంటే సమర్పణం కారాదు....
చదువుకు తగిన కొలువు.... బలం
కొలువుకు తగిన జీతము.....విలువ
విలువలు కలిగిన సేవ...... నీతి నిజాయితీ
అదే కదా సద్యోగం.... పరిఢవిల్లు ప్రజాక్షేత్రం.... !
నగునూరి రాజన్న
కరీంనగర్ .
No comments:
Post a Comment