కవితాపుష్పకం
తేదీ 17_02_2020
శీర్షిక - మానవీయత....
సంఖ్య _355
కనిపించినవి వినిపించినవి
కనబడని మైదానంలో కవ్వించి
కలియబడి తిరగబడి అణచబడి
ఎగిసిపడితేనే కడలి ప్రశాంతత చేకూర్చేది......
కాల మాన పరిస్థితులకు
కదిలే హృదయం చేసే కవాతు ....
కసితో కుత్తుకలు కోసే
కత్తులు సైతం చేయలేని పని.....
ఆశయాల గమ్యాలకు
ఆలోచనల గమనాలతో
అలవోకగా రూపమిచ్చి చేయు
అపురూప మార్గదర్శనం......
రవికన్నా ముందే పసిగట్టి
కదిలిస్తుంది కవి హృదయం....
మేటిగా సూటిగా సుందరంగా
వాడిగా వేడిగా హృద్యంగా అందిస్తుంది.....
అలౌకిక ఊహలకు అందమైన రూపమిస్తూ
ఆద్యంతం గుప్తమైనా క్లుప్తపరుస్తూ
సమస్యా పరిష్కారాల సానుకూలతలను
మానవీయంగా ఆవిష్కరిస్తూ అల్లుకుపోయేది .......
నగునూరి రాజన్న
కరీంనగర్
No comments:
Post a Comment