అంతస్సూత్రం
తేది- 11 -03 -2020
శీర్షిక - అందరు బాగుండాలి
సంఖ్య-366
మల్లెలు మందారాలు మరువం ధవనాలు
బంతులు చామంతులు కనకాంబరాలు
వర్ణాలెన్నయినా వంకలెరుగని మాలకాధారం
మరుగునుండే శ్వేతవర్ణపు అంతస్సూత్రం...
అన్యోన్యతలకు ఆలవాలమై
ఆప్యాయతలకు చిరునామై
విశాల విశ్వంలో వెలుగొందిన
వివాహ వ్యవస్థ మన స్వంతం....
ముష్కరులే మూలమయినా
నిష్కర్షగా శిక్షించని దేశం.....
వంద మంది దోషుల్ని వదిలినా...
నిర్దోషిని శిక్షించొద్దనే న్యాయ సూత్రాల నమ్మకం ....
పద్దెనిమిది సార్లు శత్రువు ఓడినా
ప్రాణం మీదికి వస్తుందని తెల్సినా
పరిత్యజించి క్షమా భిక్ష పెట్టడం
మన దేశ సంస్కృతి సంప్రదాయం....
భిన్న సంస్కృతుల సమాగతం
విభిన్న మతాల సమ్మేళనం
భరతజాతి ఆమూలాగ్రం
అదేకదా మన రాజ్యాంగం.....
ప్రకృతి పట్ల ప్రజలైనా
ప్రజల పట్ల పాలకులైనా
పాటిస్తేనే నిండు ప్రమోదం
ఆత్మసాక్షిగా అంతస్సూత్రం....
నగునూరి రాజన్న
హైదరాబాదు
No comments:
Post a Comment