విజయ దివస్.
తేది: 26-07-2024
శీర్షిక : పవిత్రోత్సవం
సహస్రాధికం.
యుగానికో రాక్షస మూకలా
పక్కలో బళ్లెమే ప్రతిరోజు ...
మందిని పక్కలేసుకుని
రోజులెల్లదీసే రకమాయె ....
ఇరువదైదు వత్సరాలకింద
ఇదే రోజు రాక్షస మూకలను
తరిమికొట్టి నిలువెల్లా
దునుమాడి విజయించిన రోజు ....
సుందరమైన కాశ్మీరంలో
సుదూరమైన ఒప్పందాలు ....
ఉల్లంఘనలతో ఏకంగా
ఆపరేషన్ బదర్ పేరిట ....
కాశ్మీరును కబళించాలని
కపట పన్నాగముతో
కదిలిన కలి రాక్షసులతో
కత్తులు దూసిన వేళ ...
సొంత చిక్కులతో ఎప్పుడూ
కొంత ఇబ్బందులే అయినా ...
పక్కోడిపై కన్నేసే కపట
నాటక సూత్రదారి దాయాది ....
నెలలకొద్దీ పోరాటమైనా
నెగ్గిన భారత సైన్యం ...
ప్రణాళికతో కొట్టిన దెబ్బకు
తోక ముడిచిన శత్రుసైన్యం
విజయోత్సవంగా ఆనవాయితీ
రజితోత్సవంగా రంజిల్లె నేడు ....
ప్రజలంతా సైన్యాన్ని గౌరవిస్తూ
వందనమర్పించే పవిత్రోత్సవం ....
నగునూరి రాజన్న
No comments:
Post a Comment