అంతెర్నేత్రం 2
తేది : 23-07-2024
శీర్షిక : అసలైన అంగ వైకల్యం
సహస్రాధికం
కరువౌవుతున్న కథనాలే ....
కలుషితాల మనస్తత్వాలే ...
ఉరుకుల పరుగుల జీవితాలతో
ప్రశాంతతలు కరువైన ప్రాణం ...
శ్వాసను మూసలో పోసుకుని
ఊపిరి ఉగ్గబట్టుకుంటున్న ఉదంతాలే ...
కనుముక్కు తీరు కమనీయమైనా
బంకమట్టిలో బంధీ అయిన
బానను చూడలేని అంధత్వమే ...
మానవాళిలో నిబిడీకృతమైన
మానవతను గుర్తించలేని గుడ్డితనమే ....
ఆత్మపరిశీలనలకు అల్లంత దూరం ...
మొహమాటాల తోటలో విహరిస్తూ
మనఃసాక్షి మాట విననని మొరాయిస్తూ
అసలైన అంగ వైకల్యంతోనే లోకమిపుడు ....
ముసురుకుంటున్న కలుషిత కాలుష్యాలో
వారసత్వమనుకుంటున్న అపోహలో....
పిలవని పేరంటమౌతున్న అహం బంధువో
అందరికి ఇప్పుడు కరువైన అంతర్నేత్రం ....
అసలైన నిర్వచనమంటే
అనుభవాల దూర దర్శనమైన
కలి వెలుగుల దీప స్థంభం కావాలి ....
అనంతమైన దృష్టికోణంతో
విశాలమైన గదిలో మలయమారుతం
వీచే కిటికీలా తెరుచుకోవాలి....అందనంత
ఎత్తుల మానవత్వశిఖరం అలవోకగా
అందుకోగలిగే మహర్షి మనస్తత్వం కావాలి...
నగునూరి రాజన్న
No comments:
Post a Comment