గమ్యం ... ఒక చివరి మజిలీ
తేది : 23-07-2024
శీర్షిక : దాసోహమే ...
సహస్రాధికం
పారే సెలయేరు పాయగా చేరి
నదిలా పారి సంద్రము చేరినా...
గ్రీష్మతాపానికి ఆవిరై... మేఘంగా
మారి వర్షపాతమైనట్టు వలయమై
పయనించడమే ...
ఒక సినిమా పాట మరో సినిమాకు
మూలమైనట్టు...జీవితంలో
కాలానుగుణమై గమ్యాలు మారుతూ
అనుకున్న ప్రతీసారీ మరో రూపంలో
ప్రారంభం... మళ్ళీ గమనమే...
ఎన్నెన్ని ఆటుపోట్లయినా
ఎలమందగ పయనించాల్సిందే....
అల చందంగా ప్రయత్నిస్తూ
నిరంతరమై సాగిపోవాల్సిందే ....
ఆది తెలియదు అంతుచిక్కదు
పాత్రదారులమని తెలిసినా ...
గడియ గడియకు గొప్పోన్నోననే
భావనే ... అసలు గొప్పోన్ని
గుర్తించం ...సర్వస్య శరణాగతి
శ్రేష్టమని దాసోహమే సర్వోత్క్రుష్టమని
గుర్తించే వరకు సాగుతుంటుంది ....
నగునూరి రాజన్న
No comments:
Post a Comment