నిస్తన్త్రీ వినోదం
తేది : 23-07-2024
శీర్షిక : అనంత వినోదిని
అబ్బో ! ఆకాశవాణి
అనంత వినోదిని ఆకాలాన ...
మాటే మంత్రమై కొనసాగినా
మైళ్ళదూరాలు క్షణాల్లో చేరుకొని
చెంగున పక్కన నిలిచినట్టు
ఊరటలు మనోల్లాసాలు ....
సవాలక్ష ప్రశ్నలకు
సంధించింది జవాబులతో ..
సందిట నిలబడి సవాలు
చేసినది సమయానుకూలమై ....
క్షణాలలో వార్తలు మోసుకొచ్చి
ప్రతిక్షణం ఆనందాలు పంచింది ...
సంక్షిప్త శబ్ద చిత్రాలతో సహా
బాలానందం ... వివిధ భారతి
బహుగొప్పగా ప్రఖ్యాతమే
వ్యవసాయ అభివృద్ధికి
వయోజనులు విద్యలకు
నాటకాలకు నాటికలకు
లెక్కలేనంత ప్రాచుర్యమే ....
యుద్ధాలలో బహుముఖ్యపాత్ర
పోషించి ముదముతో మనసులు
చూరగొన్నది ముఖ్యమైన
భూమికతో ....
మార్కొని మార్క్ గా బైలెల్లినా
మార్కులెన్నో కొట్టేసింది ...
దూరదర్శనుకు మార్గదర్శకమై
చరవాణిలకు మూలమయ్యింది ...
కాంతి వేగ పౌనఃపున్యాలతో
విద్యుదయస్కాంత తరంగాల
మేళవింపులతో నిస్తన్త్రీ వినోదం
నీరజనాలందుకున్నది నిజమున ....
No comments:
Post a Comment