స్వప్న కుసుమాలు
తేది : 16-07-2024
శీర్షిక : మల్లె సుగంధాలు
సహస్రాధికం ....
వెలుగు రెక్కలు మూసుకోగానే
చీకటి కోన తెరుచుకున్న
తరుణంలో ... అలసిన దేహం
సొలిసిన మరుక్షణమే పలకరింపులు ....
కిటకిట తలుపులు మూసుకోగానే
కను కొలుకుల్లో కదిలే పడవలు ...
ఆశల పందిరిలో ఆశయాలై ఊహల పల్లకీలో ఊయలలూగు ...
సప్తవర్ణాల స్వప్న కుసుమాలు
సరాగమై మనోల్లాసమయములే ....
మధురమైన మల్లె పరిమళాలు
కొన్నైతే ఏ వాసనలేనివి మరికొన్ని ....
రాలిన ఒకానొక మల్లె సుగంధం
ఒడిలో పడి కవ్వించినది ....
ఏవో తెలియని గుసగుసలతో
అస్పష్టపు మాటలతో సరసమాడింది ....
అనుభవాల దొంతరలో పేర్చుకుని
మురిసిపోదామని అనుకునేంతలో ...
చీకటిని చీల్చుతున్న భానుకిరణం
తటాలున పలకరించి భగ్నపరిచింది…
No comments:
Post a Comment