స్నేహమేరా జీవితం ...
స్నేహమేరా శాశ్వతం ....
తేది : 25-07-2024
శీర్షిక : అప్రకటిత రహస్యాల నెలవు ....
సహస్రాధికం
పాటలో పల్లవి అయిపోయి
పవిత్ర స్థానం దక్కించుకుంది ...
బాల్యం నుండి మొదలుకుని
బతుకుబండి నడిచినంతవరకు ....
ప్రతిఫలమాశించని బంధమై
చిగురించి పచ్చదనాల శోభలను
అద్దుకుని శాశ్వత రూపాన్ని
సంతరించుకుని మురిపిస్తుంది ....
అక్కడక్కడ కొన్ని అవసరాలలో
అంటుగట్టుకుని దులుపుకుంటాయేమో
గాని ... ఒక్కసారి ముడి పడిందా
జీవితాంతం పత్ర హరితమే ....
కొన్నిసార్లు వేర్వేరు గమనాలలో ...
వేర్వేరు కూడలులలో వేర్వేరుగా
అయినా సరే ... ఓ స్నేహపు చిలుక
పలుకులతో చెట్టాపట్టాలేసుకుంటుం
అప్రకటిత రహస్యాలను పంచుకుని
అమరత్వం జండా ఎగురవేస్తుంది....
ప్రత్యక్షమో ... పరోక్షమో ఏదైనా సరే
ఈగ కాదు దోమను కూడా వాలనీయదు...
వయసు తారతమ్యాలను లెక్కచేయక
లింగ బేధాలను కూడా పట్టించుకోక
కష్టాల కడలిని తాకనీయక
సంతోషాల సెలయేళ్ళతో మురిపిస్తా
ఒక్కసారి గురి కుదిరిందా
బరిలోకి
దిగిన ప్రతిబింబమే…
అద్దంలాంటి
బుద్దులతో ఎప్పుడు
సరిచేసే
సమంజస సత్యప్రియుడు……
నగునూరి రాజన్న
No comments:
Post a Comment